Vastelaovend Gezelschap

De Vogelhut

 

Vastelaovesgezelschap de Vogelhut

 

Vastelaovesgezelschap de Vogelhut

 

Nao 43 jaor, nét veur ôs 4 x 11 jäörig bestaon hebbe weej ôs alde residensie de Vogelhut op de Maerelwaeg noeëdgedwônge môtte verlaote. Weej zien met vuuël zörg op zeuk gegaon naor ein niej residensie en zien in d’n Dörpel hertelik ôntvange um ôs aktiviteite heej vaerder vorm te gaeve.

 

Weej neme ôg efkes mei in ôs historie en schetse ôg ein kort beeld euver ’t ôntstaon en de ôntwikkeling van VG de Vogelhut. In 1970 is ’t idee vanoét 't Vaderhike van scoutinggroep Fatima gebaore um ouk in buurtschap d’n Vogelhut op "d'n berg" vastelaoves-aktiviteite te organisere.

 

In al die jaore die volgde, haet d’r ein behuuerlikke ôntwikkeling plaatsgevônde en is ein Vastelaoves-kommitee lankzaamaan oétgegreujd naor ein volwaerdig Vastelaovesgezelschap.

 

In d’n Dörpel ôntploeije weej verschillende aktiviteite, neet inkel veur vastelaovesvierders, maar ouk veur de jeug en aldere minse.

 

Regelmaotig hebbe weej kienen, auk ’s middaags. Moeij um te zeen det kiene ouk jônk en ald publiek trek en saame bringk.

 

As vastelaovesgezelschap leet ôzze focus op det stök Kultuur det weej in Venlo zoë enorm weite te waardere en viere, de vastelaovend…!! Vastelaovend is immers veur jônk en ald…!!

 

Weej zien gruuëts det weej ôs aktiviteite in dees wiék en ouk nog altiéd in de Vogelbuurt same met de jônk en ald meuge belaeve.

 

Jaorlijks bezeuke weej de basischoël Taal en Lent, gaeve acte de presance aan d’n optoch in de buurt en geneete we steeds weer van de schoëlzitting van  de Willibrordusschoël. Dèt zien moeije momente waor weej now al naor oét kiéke.

 

 Ouk neet miër weg te dinke zien de bezeuke beej park Rijnbeek, ’t hoés van de wiék, um saame met de minse die heej beejein zien de vastelaovend in te luuje op vriédaagmiddaag veur de vastelaovend.

 

 Umdet weej gaer op ôs eige wiés de Venlose vastelaovend invölle, legge weej ôs muts en mantels op vriédaagaovend veur de vastelaovend aaf en is idderein vreej met die dreej dolle daag.

 

Dit stökske Kultuur halde we samme met ôg laevend en gaon ôg veur in deze schoëne vastelaovestied.

 

Gaer wille weej ôg ouk örges treffe.  Det kin zien aan ôg veurdeur met ôzze speklaasie-aktie,

op ôzze prinsebal of op de prinsereseptie.  Mesgiens ouk waal op schoël, in ‘t hoés van de wiék of ôzze kienaovend. Weej zulle ôg werm ôntvange…!!

 

 

 

 

 

Vastelaovend same...!!!

 

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21